Matthew 6: 1-6 , 16-18

''bejimat anang ngereja pengawa pengarap ba moa orang mayoh, ngambi ka orang meda kita. enti ngerejautai nya ba moa orang mayoh, kita nadai bulih upah ari Apai di serega''. '' Nya alai leboh kita meri utai ka orang ti seranta, anang mandang ka utai nya baka pengawa ti dikereja oarang pengelakar di balai gempuru enggau di sebelah jalai di pasar. kebuah sida bakanya ngambi ka orang mayoh muji sida. kingat ke tu sida udah diupah enggau chukop. Tang enti kita nulung orang ti seranta - ngena jalai belalai, datai ke pangan kita ti pemadu semak deh nda nemu utai nya, laban utai nya dipelalai ka kita. nya baru Apai kita ti meda pengawa ti dikereja kita kediri, deka meri upah ke kita.''

'' leboh kita besembiang anang baka orang pengelakar! sida rindu berdiri lalu besampi dalam Balai Gempuru enggau sebelah sukut jalai pasar ngambi ka genap iko orang ulih meda sida. kingat ka tu! sida udah diupah enggau chukop. tang leboh kita deka besembiang tama ka dalam bilik, tutup pintu, lalu besampi ngagai Apai kita ti enda dipeda. lalu Apai kita ti meda pengawa dikereja kita kediri, deka ngupah kita.

''leboh kita bepasa, anang bemoa

tusah baka orang pengelakar. sida bejalai kia-kia enggau moa lapar, ngambi ka genap iko orang nemu sida bepasa. kingat ka tu! sida udah di upah enggau chukop. tang leboh kita bepasa, empungas moa kita lalu sugu bok kita, ngambi ka orang bukai enda bemu kita bepasa- semina Apai kita ti enda dipeda nemu pengawa kita. lalu Apai kita ti meda pengawa kita deka ngupah kita''