Joel 2 : 12-18

''tang taja pia'', ko Tuhan, ''nesal ke ati kita enggau pengabis iya, ngulit, nyabak, sereta bepasa. lalu pulai ngagai aku. asoh ati kita ngesal bendar ke penyalah kita, anang semina nyarik ke gari utai dikena.'' Pulai baru ngagai Tuhan ti Allah Taala kita. Iya nelap sereta kasih ke semua mensia. Ati Iya liat selalu ingat enda kala bula ke semaya. Iya endang seruran deka ngampun. Iya ukai semina deka ngukum. Nyangka ukur Tuhan ti Allah Taala kita deka ngubah runding Iya, merekat ke utai ti ditanam kita, awak ke sida galak nelesak semua. Ngambi ke bisi dikena meri piring tepong enggau piring irup ka Tuhan ti Allah Taala kita. sepu terumpit tandok di bukit Sion, gerah ke sida asoh sembiang. tesau orang asoh begempuru, mending ke kuing aum tu. orang ti tuai bai semoa, sida ti nembiak bai sereta. orang ti agik mit sandik sengkidang. sida ti bari nikah bai datai magang. datai sampal anang betinggal, tesau ambis tesau lengis. Asoh imam ti meri piring ngagai Tuhan ba entara alta, sabak lalu besampi '' O Tuhan kasih ke kami anembiak nuan. anang ngasoh kamu kena pechat, kena keduan, leboh orang bansa bukai nyebut jako nadai reti, nanya ke dini endor Allah Taala kami?

Tuhan mandang kediri endang sinu sereta iboh, ka menoa iya enggau mensia mayoh.''